Türkiyəli aparıcı-aktrisa Zuhal Topal həyat yoldaşı Korhan Saygınerlə evlilik il dönümü Las-Veqada qeyd edib. 

Axşam.az xəbər verir ki, aparıcı bununla bağlı sosial şəbəkədə paylaşım edib. O, əri və qızı ilə birlikdə lentə alınan fotolarını izləyiciləri ilə paylaşaraq bunları yazıb:

“Sürprizlərlə dolu 16 ili geridə qoyduq. Çox çalışdıq, çox şey yaşadıq. Həyat bizə çətin tərəflərini, çətinliklərini göstərdi, ancaq sizinlə o qədər güclü bir komanda olduq ki, hər şeyə qalib gələ bildik və qarşılıqlı sevgi, hörmətimiz heç vaxt azalmadı. Səninlə və əziz qızımla yaşadığım bu gözəl həyat üçün hər gün Allaha şükür edirəm. 16 ilimiz mübarək sevgilim, səni çox sevirəm".