SOCAR-ın Türkiyə təmsilçiliyinin rəhbəri Kənan Yavuzun oğlu İrfan Yavuzun toyu olub.

Axşam.az "Hürriyət"ə istinadən xəbər verir ki, iş adamı Həsən və Fatma Dönməz cütlüyünün qızları Gözdə Dönməzlə ailə quran İrfanın toyu “Çırağan Palace Kempinski Otel"də baş tutub.

Mərasimdə Türkiyənin elm, sənaye və texnologiya naziri Fikri İşıq, keçmiş maliyyə naziri Kamal Unakıtan, “Petkim”in sədri Vaqif Əliyev, Dövlət Neft Şirkətinin prezidenti Rövnəq Abdullayev, iş adamı Mübariz Mənsimov və digər tanınmış simalar iştirak ediblər.

Toyda şahidlik edən R.Abdullayev ailə ocağını qoruyanın qadın olduğunu deyərək nikah şəhadətnaməsini gəlinə verib.

Məclisdə pop ifaçısı Kıraç da iştirak edib. İrfan və Gözdə Yavuz cütlüyü bal ayı üçün Maldiv adalarına gedəcəklər.