Türkiyəli məşhur jurnalist, aparıcı Fatih Altaylı saxlanılıb.

Axşam.az Türkiyə mətbuatına istinadən xəbər verir ki, bu haqda onun həyat yoldaşı Hande Altaylı məlumat yayıb. 

Fatih Altaylının ötən gün axşam saatlarında İstanbulun Şişli rayonundakı evində saxlanıldığı bildirilir.

İstanbul Prokurorluğu jurnalist Fatih Altaylının saxlanılmasının səbəbini açıqlayıb.

O, sosial media hesabında verdiyi açıqlamalara görə “prezidenti hədələmək” ittihamı ilə başladılan istintaq çərçivəsində saxlanılıb.

“20.06.2025-ci il tarixində adı hallanan yutub sosial media kanalında prezidentimiz Rəcəb Tayyib Ərdoğanı hədəf alan təhdid xarakterli açıqlamalarına görə Fatih Altaylıya qarşı CM-nin 310/2 və 106/1-ci maddələri (prezidenti təhdid etmə) ilə istintaq başladılıb. İstanbul Polis İdarəsinə onun həbsi ilə bağlı göstəriş verilib” deyə, prokurorluğun açıqlamasında deyilir.