Araz Radiosunun ənənəyə çevrilən və hər dəfə böyük maraqla qarşılanan layihəsi bu dəfə daha da fərqli formatda qayıdıb.

Axşam.az xəbər verir ki, layihə Xəzər Media Mərkəzi-nin dəstəyi ilə həyata keçirilib.

Layihəni 6 aprel tarixində Xəzər Media Mərkəzi-nin efirində yayımlanan “İncə səhər”, “Qonaqcanlı” və “Xəzər axşamı” verilişlərində canlı olaraq izləyə bilərsiniz.

Araz Radiosunun 15 illik yubileyinə özəl hazırlanan "Yeni Avaz 3" layihəsi bu dəfə xüsusi konseptlə təqdim olunub. 15 ilin hit mahnıları bu dəfə gənc ifaçıların təqdimatında tamamilə yeni nəfəs qazanıb.

Layihənin əsas özəlliyi isə odur ki, bu dəfə səhnə gənclərə verilib. Gənc ifaçılar 15 il öncə hit olmuş mahnıları öz tərzlərində təqdim edərək, həm nostalji hisslər yaşadıb, həm də musiqiyə müasir baxış qatıblar.