Livanın məşhur divası Hayfa Vehbe geyindiyi libasla ərəb dünyasını təəccübləndirib.
 
Axşam.az xarici mətbuata istinadən xəbər verir ki, müğənni “Star Academy” yarışmasında səhnəyə dekolteli və transparan libası ilə çıxıb. Bundan əvvəl də hər zaman iddialı libaslar geyinən Hayfa budəfəki paltarı ilə izləyicilərin qınağına tuş gəlib. Sosial şəbəkədə müğənninin “cızığından çıxdığı” yazılıb.

H.Vehbe isə “Twitter” hesabından özünü müdafiə edərək libasının tanınmış dizaynerə məxsus olduğunu bildirib. Hayfa Vahbenin gecədəki çıxışını əks etdirən video “Youtube”da 2 milyondan çox izlənilib.