Son dövrlərin ən məşhur modellərindən olan Emili Ratakovski (Emily O'Hara Ratajkowski) qadınları qısqandıran açıqlama verib.

Həm də aktrisa kimi fəaliyyət göstərən Emili Robin Thickenin "Blurred Lines" klipindən və Ben Afflekin də iştirak etdiyi "Gone Girl" ("İtmiş qız") filmindən sonra daha da məşhurlaşıb.

O, "Nyu York Times" qəzetinə qidalanması və bədən forması haqda danışıb:

"Mənə görə, yediyiniz hər bir şeydən xoşbəxt olmağınız daha əsasdır. Mənim idman müəllimim yoxdur. İdman salonuna da getmirəm. Sadəcə uzun yürüşlər edirəm və rəfiqələrimlə velosiped sürürəm. Çoxlu makiyaj edib kloun kimi görünməkdən nifrət edirəm. Pəhriz də saxlamıram...".

Qeyd edək ki, 24 yaşlı seksual gözəlin İnstaqramda 2 milyondan çox izləyicisi var.