Amerikanın Texas ştatında yaşayan 33 yaşlı Cenniferlə Şimali Karolina ştatından olan 23 yaşlı Ambra aralarındakı 10 il fərqə baxmayaraq, bir-birlərinə ekizləri qədər bənzəyirlər.

Axşam.az “Dailymail”ə istinadən xəbər verir ki, onlar “Twin Strangers” (dünyanın müxtəlif yerlərində yaşayan, bir-birinə oxşayan insanları tanış edən internet saytı) vasitəsilə tanış olublar. İlk görüşdə Cenniferlə Ambra təəccüblərini gizlədə bilməyiblər. Qızların arasındakı bənzərlik ən azı ekizlərdə olduğu qədərdir.

Cenniferin ansı Karen və sevgilisi Travis də bu oxşarlığa inana bilməyiblər.

Qeyd edək ki, Cenniferlə Ambre xarici bənzərlikləri ilə yanaşı, bir sıra ortaq xarakterə də malikdirlər. Onların doğum günləri arasında cəmi 2 gün fərq var.