Müğənni Rafet El Romanın həyat yoldaşı Ceren Kaplakaslan baldızı ilə mübahisə edib.

Axşam.az-ın Türkiyə mediasına istinadən məlumatına görə, o, Rafet və uşaqlarının fotosunu paylaşaraq "sizsiz yaşaya bilmərəm" yazıb.

Bunun ardından ifaçının bacısı Selma Yaşdut paylaşımın altına sərt fikirlərini əlavə edib:

"Bu sözlərinə uşaqlar da daxil olmaqla heç kim inanmır. Kimə nə sübut etmək istəyirsən? Əl çək bu rollardan. Kimin nə olduğunu ailəcə hamımız bilmişik".

Ceren isə baldızının yazdıqlarına sakit şəkildə cavab verib:

"Selmacım, məni izləyirsən? Gəl, qəhvəmi iç, dərdin nədirsə, danışaq".

Qeyd edək ki, 45 yaşlı Rafet El Roman özündən 20 yaş kiçik C.Kaplakarslanla keçən il Almaniyada evlənmişdi. Müğənninin qızları bu evliliyin əleyhinə olub. Eləcə də, Cerenin atası da Rafet haqda "xidmətçisi ilə xəyanət edib dünyaya uşaq gətirən adamdan xeyir gələrmi" demişdi.