İTV-də yayımlanan “Uşaq dünyası” verilişinin bayram buraxılışı maraqlı anlarla yadda qalacaq.

Axşam.az-ın məlumatına görə, aparıcılığını Ayxan Əlizadənin etdiyi proqramda Şaxta baba, Qar qız və balaca istedadlı körpələr qonaq olacaq. Onlar şeirlər deyib, bayram təbriki səsləndirəcəklər. 

İTV-nin balaca aparıcısı Ayxan və "Uşaq dünyası"nın yaradıcı kollektivi tamaşaçıları yeni il və Dünya Azərbaycanlılarının Həmrəylik Günü münasibətilə təbrik edəcək.

“Uşaq dünyası”nın Yeni il ab-havalı buraxılışını həftənin bazar günü saat 14:15-də, çərşənbə axşamı isə saat 14:35-də izləmək mümkündür.