Müğənni və aktrisa Cennifer Lopez daha bir villasını satıb.

Axşam.az-ın xarici KİV-ə istinadən məlumatına görə, əvvəl keçmiş əri Mark Entoni ilə yaşadığı malikanəni satan Cey Lo bu dəfə keçmiş sevgilisi Kasper Smartla yaşadığı evi satıb.

O, iki il əvvəl 17 milyon dollara aldığı villanı 10 milyon dollara sata bilib.

12 vanna otağı, 9 yataq otağı, 20 nəfərlik kinoteatr, spa mərkəzi, rəqs və səsyazma studiyası, səkkiz qarajı və 8 ocağı olan bu evin böyük qarderob otağı da var. Ən maraqlı cəhətlərdən biri isə bütün otaqlarda, hətta vanna otaqlarında kitab rəflərinin olmasıdır.