46 yaşlı Qvinet Peltrou Bred Felçakla olan toyundan fotoları ilk dəfə yayımlayıb.

Axşam.az xarici KİV-ə istinadən xəbər verir ki, cütlük özəl gününə 70 dostunu dəvət edib. Sentyabrda baş tutan toyun qonaqları arasında Kameron Dias, Benci Medden, Stiven Spilberq, Robert Dauni yer alıblar.

Qvinet və Bred toyu qapalı etmiş, mərasimdən fotoların yayılmasına imkan verməmişdi. Gəlin toyda "Valentino" brendinin libasını geyinib.

"Heç vaxt toyum olmayıb. 46 yaşım olsa da, özümü 21 yaşındakı kimi hiss edirəm" deyə, aktrisa bildirib.