Gecə klublarında səhnəyə çıxması qadağan edilən 16 yaşlı türk müğənni Aleyna Tilkinin yeni görüntüləri müzakirələrə səbəb olub.

Axşam.az-ın Türkiyə mətbuatına istinadən məlumatına görə, ifaçının homoseksual klubda səhnəyə çıxması və geylərlə rəqs etməsi birmənalı qarşılanmayıb. Qısa ətəkdə konsert verən müğənninin ailəsinin də bu görüntülərə görə problemləri yarana bilər.

Ailə Nazirliyi artıq bir dəfə  Aleynanın ailəsinə xəbərdarlıq edib. Təzyiqlərdən bezən və ailəsinin istəyi ilə məktəbi tərk etdiyi deyilən A.Tilki Türkiyədə fəaliyyətini də dayandırmaq fikrindədir.

O, valideynləri ilə birgə Almaniyaya köçmək və orada karyerasına davam etmək istəyir. Aleynanın ailəsi qızlarını hər zaman dəstəklədiklərini və onun səhnəyə çıxmasında problem görmədiklərini bildiriblər.