Məşhur model Mila Dalbesio Keyt Uptondan sonra “Sport İllustared” jurnalı üçün kameralar qarşısına keçib.

Axşam.az xarici KİV-ə istinadən xəbər verir ki, çəkilişləri Aruba adasında keçirilən Mila da qayada müxtəlif pozlar verib.

30 yaşlı modelin Keytin vəziyyətinə düşməmək üçün ehtiyatla davrandığı da gözdən yayınmayıb. Dalbesio çılpaq sinəsini əli ilə örtməyə çalışıb.

Qeyd edək ki, iki gün əvvəl K.Upton da eyni yerdə, eyni dərgi üçün fotosessiya etdirib.

Lakin çəkiliş zamanı Keytin başına iş gəlib. Güclü külək balaca qayanın üstünə çıxan modeli suya yıxıb. Ətrafdakıların köməkliyi ilə sudan çıxarılan Apton bu halına çox gülüb.