“Müğənnilər son vaxtlar bir-birinə oxşayır. Onları ayırd edə bilmirəm. Müğənninin öz səsi, cizgiləri, xarakteri, mimikası olmalıdır”.

Axşam.az-ın məlumatına görə, bu sözləri əməkdar artist Elza Seyidcahan “Düz bazar” verilişində deyib.

Müğənni sənətçiləri tənqid edib, onları özlərinə baxmamaqda günahlandırıb:

“Qadın müğənnilərimiz “xaltura” edirlər. Kişi müğənnilər özlərinə daha yaxşı baxırlar. İdmana gedirlər, pəhriz saxlayırlar. Qadınlar isə güc veriblər plastik əməliyyata, pul yığmağa. Mənim üçün ən gözəl qadınlar ayağı əyri olanlardır. Bəzisi var əyri ayağını gedib düzləşdirir, ona yaraşmır. Allah onu belə yaradıb.

Müğənnilərimizin əksəriyyəti yaxşı pul qazanır. Qazandığımızı sənətə xərcləməliyik. Bu gün acından ölmürəm. Beşindən aşağı yaşasam da, beşindən yüksəkdəyəm. Bu gün hər yerdə keçərliyəm. Çünki sənətimi ucuzlaşdırmıram.

Bir çoxları qazandığını paltara, plastik əməliyyata verir. mahnı almır. Gedib bayağı mahnı oxuyur ki, toy tutsun”.