ATV-nin aparıcısı Rüfət Ağayev “Buzlu su” kampaniyasına qoşulub.

Axşam.az-ın məlumatına görə, müğənni Zamiq Hüseynovun estafetini qəbul edən Rüfət başına içərisi buzla dolu su tökərək ifaçılar - Eldar Qasımov, Nigar Camal, Natavan Həbibinin adlarını çəkib.

Onlardan Eldar R.Ağayevə cavab olaraq kampaniyaya qoşulub və bu sənətçilərin adlarını çəkib:
 
“Estafeti Xumar Qədimova, Nüşabə Ələsgərli və Naomi Kempblə verirəm. Növbə sizindir”.

Qeyd edək ki, ASL xəstəliyinə yardım məqsədi ilə keçirilən aksiyada adı çəkilən şəxs 24 saat ərzində başına buzlu su tökməsə, 100 dollar ödəməlidir.