Müğənni Tural Əzimov “Yandı gönlüm” adlı mahnıya çəkdirdiyi klipinə təqdimat keçirib.

Axşam.az-ın məlumatına görə, ekran işi ifaçının dostları tərəfindən ona hədiyyə edilib. Klipin prodüseri Rüstəm İsmayılovdur. Türkiyəli ifaçı Barış Akarsunun səsləndirdiyi mahnını T.Əzimov yeri aranjimanda oxuyub.

Şəhər restoranlarından birində baş tutan mərasimə sənət aləminin tanınmış simaları qatılıb. Onlar arasında xalq artisti Flora Kərimova, əməkdar artist Zaur Əmiraslanov, müğənni Kərim Abbasov, Niyam Salami, Elariz Məmmədoğlu, Əbdül Xalid, prodüser Təranə Səmədova yer alıb.