Popun kralı Maykl Ceksonun Las-Veqasdakı dəbdəbəli malikanəsi satışa çıxarılıb.

Axşam.az xarici KİV-ə istinadən xəbər verir ki, dünya şöhrətli musiqiçi, 2009-ci ilə qədər uşaqları ilə birlikdə mətbuatdan qaçmaq üçün buranı icarəyə götürmüşdü. "Thriller Villa" adı ilə tanınan malikanə, təxminən 7 hektar sahə üzərində qurulub. 2300 kvadratmetrlik yaşayış sahəsi olan dəbdəbəli evi gəzib bitirmək olmur.

Ceksonun ölümündən sonra ev sahibi son kirayəşinin dekorasiyasını dəyişdiyi evi olduğu kimi qorumağa davam edir. 7 yataq otağı, 12 hamamı olan malikanə qala formasında inşa edilib. Evin aşağı qatında sənət qalereyası, eyni zamanda orta əsrlər arxitekturasına görə nizamlanmış kilsə mövcuddur. Bu malikanə  əslində 1950-ci ildə teatr sahibi Horst Şmidt tərəfindən Meksikada inşa edilmiş və orijinallığı pozulmadan, kərpic-kərpic Las-Veqasa daşınmışdır. Malikanəyə nəqliyyat üçün gizli keçid mövcuddur. Maykl Çekson paparassilərin hədəfinə düşməmək üçün həmin gizli keçiddən istifadə edirmiş.