Məşhur müğənni Keti Perrinin ötən həftə təqdim etdiyi “Dark horse” (“Gözlənilməz namizəd”) adlı klipi qalmaqala səbəb olub.

Axşam.az-ın xarici mətbuata istinadən məlumatına görə, ekran işində “Kleopatra” tərzində geyinən Perrinin qarşısındakı oğlanlardan birinin boynundan asılan “Allah” yazısını gizlətməyə çalışdığı təsvir olunub. Daha sonra həmin oğlanı ildırım vurur və quma döndərir. “Allah” yazısının gizlədilməsi və oğlanın yoxa çıxması İslam dininə təhqir kimi qəbul olunub. Bu səbəbdən bir sıra müsəlman ölkələri klipin “Youtube” kanalından yığışdırılmasını istəyirlər. Onlar eyni zamanda, dünya şöhrətli müğənninin müsəlmanlardan üzr istəməsini tələb edirlər. İmza kampaniyası başladan müsəlmanlar sosial şəbəkədə də bu aksiyanı yayıblar. Onlar Perrinin çalışdığı şirkətə mesajlar yazırlar.