Bu gün Bakının Xətai rayonu ərazisində ağır yol qəzası baş verib.
Axşam.az xəbər verir ki, 8 Noyabr prospektində tanınmış aparıcı Aytən Səfərovanın idarə etdiyi “Hyundai” markalı avtomobillə digər minik avtomobili toqquşub.
Nəticədə A.Səfərovanın idarə etdiyi avtomobil aşıb. Onun ağır xəsarətlər aldığı bildirilir.
Aparıcının həyat yoldaşı Axşam.az-a açıqlamasında A.Səfərovanın hazırda xəstəxanada olduğunu, həkim tərəfindən müayinə edildiyini deyib.