SSR Xalq artisti Tamilla Şirəliyeva vəfat edib.

Axşam.az xəbər verir ki, 78 yaşlı balet ustası evində dünyasını dəyişib. Bu barədə Azərbaycan Dövlət Akademik Opera və Balet Teatrı məlumat yayıb. 

Mərhum uzun müddət şəkərli diabet xəstəliyindən əziyyət çəkib.

Qeyd edək ki, T.Şirəliyeva 8 dekabr 1946-cı ildə Bakı şəhərində anadan olub. 1964-cü ildə Bakı Xoreoqrafiya Məktəbini bitirib. Həmin ildən Azərbaycan Dövlət Opera və Balet Teatrının solisti olub.

Qaraca qız ("Qaraca qız", Əşrəf Abbasov), Gülyanaq ("Qız qalası", Əfrasiyab Bədəlbəyli), Məhmənəbanu ("Məhəbbət əfsanəsi", Arif Məlikov), Ayişə, Fiyetta ("Yeddi gözəl", "İldırımlı yollarla", Qara Qarayev), Odetta-Odilliya ("Qu gölü", Pyotr Çaykoski), Kitri, Paxita ("Paxita", L.Minkus), Şəhrizad ("Min bir gecə", Fikrət Əmirov) və s. əsas partiyalarıdır.