Fransalı aktyor Jerar Depardye 2021-ci ildə “Yaşıl Pəncərələr” filminin çəkilişləri zamanı iki qadına qarşı cinsi təcavüzdə təqsirli bilinərək, Paris Məhkəməsi tərəfindən 18 ay şərti həbs cəzasına məhkum edilib.

Axşam.az xəbər verir ki, məhkəmənin qərarına əsasən aktyor həmçinin 29.040 avro cərimə ödəməlidir. Onun adı həmçinin Fransa Milli Cinsi Cinayətkarlar Reyestrinə daxil edilib.

Jerar məhkəmə prosesində şəxsən iştirak etməyib. O, vəkili vasitəsilə qararı tanımadığını və apellyasiya şikayəti verəcəyini bildirib.

Vəkil iddia edir ki, Depardieu feminist hərəkatlar və Paris prokurorluğu tərəfindən qurulmuş bir sui-qəsdin qurbanıdır.

Qeyd edək ki, 2019-cu ildə aktrisa Emmanuel Debever də 1982-ci ildə "Danton" filminin çəkiliş meydançasında Depardyenin ona qarşı zorakılıq etməsi ilə bağlı ittihamlar səsləndirib.

2018-ci ildə aktyora qarşı zorlama ittihamları irəli sürənlər arasında kanadalı aktrisa Şarlotta Arnold da var. Onun sözlərinə görə, o, atasının köhnə dostu Depardye tərəfindən iki dəfə cinsi təcavüzə məruz qalıb. İş hazırda məhkəmədədir.

Bundan başqa, daha 13 qadın aktyoru cinsi təcavüzdə ittiham edir.