İranın sonuncu şahı Məhəmməd Rza Pəhləvinin nəvəsi İman Pəhləvi yəhudi əsilli amerikalı iş adamı Bredli Şermanla evlənib.

Axşam.az xəbər verir ki, toy mərasimi ötən həftə sonu Parisdə baş tutub.

İ.Pəhləvi və B.Şermanın toyu Pəhləvi ailəsinin rəsmi sosial media hesabında elan edilib. Qeyd olunub ki, toy mərasimi farsların nikah mərasiminin mühüm tərkib hissəsi olan və cütlüklərin rifahını, bərəkətini, sevgisini və birgə həyatında nuru simvolizə edən İranın ənənəvi sofrei-ye akd ayininə uyğun keçirilib.

Mərasimdə İranın keçmiş şahbanusu Fərəh Pəhləvi ilə yanaşı, ailənin qohumları və yaxın dostları da iştirak edib.