Əməkdar artist Bəhram Bağırzadə ötən gün vəfat edən həmkarı Əməkdar artist Cabir İmanovla bağlı paylaşım edib.

Axşam.az xəbər verir ki, aktyor paylaşımında bunları yazıb:

"Mənim dostum, qardaşım, mənim Cabirim artıq yoxdur. Onun ürəyi dayandı, amma kişi dostluğu və hər birimizin qəlbində qoyduğu əziz xatirələr dayanmadı. Böyük qəlbli, qızıl əlləri olan, hər vəziyyətdə arxayınlıqla güvənilə bilən sadiq dost haqqında xatirə qaldı. O, gözəllik yarada bilən insan idi. Mehribanlığı, səmimiyyəti və daxili gücü onu tanıyan hər kəsin ruhunda iz buraxdı. Cabir nadir bir qəlb sahibi idi, səmimi, etibarlı, sözün ən uca mənasında əsl kişi. Onun varlığında dünya daha mehriban və daha gözəl olurdu.

Mən ümumi dünyamızın bir parçasını itirdim və onun qoyub getdiyi boşluq çox böyükdür. Amma mənim qəlbimdə onun parlaq təbəssümü, müdrik sükutu, möhkəm çiyni, xoşbəxt gəncliyimiz və çox məhsuldar, maraqlı kişi həyatımız əbədi qalacaq.

Onun ailəsinə və bütün yaxınlarına ən səmimi və dərin hüznlə başsağlığı verirəm. Nurlu xatirəsi əbədi olsun. Allah rəhmət eləsin".

Qeyd edək ki, C.İmanov ötən gün Bakıda idman zalında infarkt keçirərək vəfat edib. O, bu gün Yasamal rayonundakı “Qurd qapısı” qəbiristanlığında dəfn olunacaq.