Rusiyanın Rabitə, İnformasiya Texnologiyaları və Kütləvi Kommunikasiya üzrə Nəzarət Xidməti (Roskomnadzor) teleqramın işini məhdudlaşdırmağa başlayacaq.

Axşam.az xəbər verir ki, qurum cinayətkarlıq, fırıldaqçılıq və terror fəaliyyəti ilə mübarizə məqsədiylə platformada səsli zəngləri məhdudlaşdırdığını bildirib.

Məlumata görə, mesajlaşma və digər əsas funksiyalar hələlik tam işləyir. Rusiya rəsmiləri həmçinin xəbərdarlıq ediblər ki, əgər istifadəçilər Rusiya qanunlarına əməl etməsələr, qaydalar daha sərtləşdirilə və ya platforma tam bloklana bilər.