İş dünyasının məşhur adları Reyhan Göksunla Abdullah Taşkın ailə qurub.

Axşam.az-ın "Hürriyet"ə istinadən məlumatına görə, Bodrumda baş tutan toyun dəvətliləri mərasimdə ağ geyimdə iştirak ediblər. Cütlüyün şad günündə ailələri və dostları onlarla bir yerdə olub. Toyun maraqlı anlarından biri gəlin və dostlarının məkandakı hovuza tullanmaları olub.

Onlar bal ayını Paris və Los-Ancelesdə keçirəcəklər.

Qeyd edək ki, R.Göksun 2013-cü ildə 3 ildir evli olduğu Enis Çiftçidən boşanıb. Ondan sonra uzun müddət digər iş adamı Hacı Sabancı ilə sevgili olan ondan da ayrılmışdı. A.Taşkınla keçən il nişanlanan Reyhanın bu evliliyinə atası razı olmadığı üçün toy təxirə salınmışdı. Abdullah isə əvvəl müğənni Petek Dinçözlə sevgili olub.