İngiltərənin Retford şəhərindən olan 28 yaşlı Liann Robinson 17 il saçlarına qayçı vurmayıb və onları 120 santimetrədək uzadıb.
 
Axşam.az xarici KİV-ə istinadən xəbər verir ki, Liann küçəyə çıxarkən vaxtının çoxunu suallara cavab verməklə keçirir. Balaca qızcığazlar isə onu əsl nağıl qəhrəmanı kimi qarşılayırlar:
 
“Bir dəfə küçədə bir uşaq mənə baxıb anasına “Ana, bax, bu ki Rapunzeldir” dedi. Mənim qızım bu nağıl qəhrəmanını tanımaq üçün hələ çox balacadır. Ancaq rəfiqələrimin uşaqları saçlarımı tilsimli kimi qəbul edirlər”.

Robinson saçlarını qurutmağa 15-20 dəqiqə vaxt sərf edir.