Türkiyəli müğənni Mustafa Ceceli qalmaqallı “Aləm gözəl” mahnısını ifa edəcək.

Bu haqda Axşam.az saytına müğənni-bəstəkar Ramal İsrafilov məlumat verib.

“Mustafa Ceceli Bakıya gələndə millət vəkili Qənirə Paşayevanın vasitəçiliyi ilə görüşdük. O, “Aləm gözəl” mahnısını oxumaq istədi. Çox sağ olsun ki, mənim əməyimə qiymət verib, icazə aldı. Dedi ki, bu mahnını çox bəyənirəm, icazə verin oxuyum. Bu mahnı ətrafinda çox qalmaqal yaşandı. Müəllif kimi başqasının adı hallandırıldı. Amma o, həqiqəti bildi və izn istədi. Mustafa Ceceli sevimli sənətçidir. Ondan heç bir maddiyat tələb etmirəm. Artıq yaxın dostuq, tez-tez bir-birimizə ismarış yazırıq. Hətta təklif edib ki, ona mahnı da bəstələyim" - deyə R.İsrafilov bildirib.

Qeyd edək ki, "Aləm gözəl" bəstəsi ətrafında uzun müddətdir müəmmalar dolaşır. İndiyədək mahnı haqda bir çox iddia ortaya atılıb. Bəstənin digər ifaçısı, əməkdar artist Abbas Bağırov isə "Aləm gözəl"in Anar Məmmədova məxsus olduğunu deyib.

Zəhra Əhmədova