Türkiyəli müğənni Hadisə Yeni ili Azərbaycanda qarşılayıb.

Axşam.az-ın məlumatına görə, Yeni ildən bir gün əvvəl Bakıya gələn sənətçi iki bacısı, mühafizəçisi və köməkçisiylə İstanbul "Atatürk" Hava Limanında paparatsilərin obyektivinə tuş gəlib.

Qeydiyyat zamanı yük çantasında əyilib nəsə axtaran Hadisə bacılarının "şəklini çəkirlər" xəbərdarlığıyla ayağa qalxıb.

Makiyajsız olduğu üçün görüntülənmək istəməyən sənətçi cangüdəninin arxasında gizlənib. Türkiyəli məşhur ona yaxınlaşan fanatlarının foto istəyini də qəbul etməyib.