"Anaların əli ilə boşananlar özlərini hələ də həyatda tapa bilməyənlərdir".

Axşam.az-ın məlumatına görə, bu sözləri müğənni Kərim Abbasov ARB TV-nin “Günə davam” proqramında deyib.

Sənətçi bildirib ki, həyat yoldaşı Təranə ilə qonşu olub və ondan zəhləsi gedib:

"İndiki həyat yoldaşımla 25 ildir ki, qonşuyduq. Qardaşım və anamın istəyi ilə evlənmişik. Bizim 25 il bir-birimizdən zəhləmiz gedib. O, bizim qapıdan keçib gedirdi. Qapını açıb onu görürdümsə, bağlayırdım. O da çalışırdı ki, başqa yol ilə getsin, mənə salam verməsin. Amma qardaşı və bacıları ilə çox gözəl münasibətimiz var idi. Şükür Allaha ki, mən yarımı tapmışam”.

Kərim daha sonra əməkdar artist Mehriban xanlarova ilə məhkəmə işindən danışıb. O, aktrisaya məhkəmədə uduzduğu üçün 1200 manat təzminat ödədiyini söyləyib:

"Söz ağızdan çıxırsa, sənin deyil. Arxasında durmağı bacarırsansa, de. Amma deyib geri çəkiləcəksənsə, gedib kiminsə ayağına düşəcəksənsə, onu demə".