Moskvada Qara Qarayevin 100 illik yubileyi keçiriləcək
Mədəniyyət
17:14 / 23.01.18
Dahi Azərbaycan bəstəkarı Qara Qarayevin anadan olmasının 100 illiyi münasibəti ilə fevralın 1-də Pyotr Çaykovski adına Moskva Dövlət Konservatoriyasında konsert keçiriləcək.
Axşam.az-ın "Report"a istinadən məlumatına görə, konsert Rusiya və Azərbaycanın mədəniyyət nazirlikləri tərəfindən təşkil ediləcək.
İki hissədən ibarət olacaq konsertdə incəsənətşünas Rauf Fərhadov aparıcılıq edəcək.
Konsert gecəsində qonaqlara Q.Qarayevin bir neçə əsəri, o cümlədən fortepiano üçün məşhur prelüdiyalar və "Yeddi gözəl" baletindən seçmələr təqdim ediləcək. Musiqiləri Yelena Reviç (skripka), Olqa Domnina (fortepiano) və Yevgeni Astafurov (bariton) ifa edəcəklər.