Ötən gün dicey Kazım Sübhanının ad günü olub.

Axşam.az-ın məlumatına görə, gecədə bir çox məşhur simalar iştirak ediblər. Onlar arasında diqqətçəkən məqamın xalq artisti Aygün Kazımova ilə müğənni Natavan Həbibinin yer alması olub.

Heç bir məclisdə yanyana gəlməyən sənətçilərin görüntüləri sosial şəbəkədə paylaşılıb. Aygünlə Natavan 9 illik küsülülükdən sonra ad günündə yanyana gəliblər.

Müğənnilər mahnı oxuyub, rəqs ediblər. Onların videosunu jurnalist Şahin Cavadsoy sosial şəbəkədə paylaşıb.

Qeyd edək ki, A.Kazımova ilə N.Həbibi arasındakı qalmaqal ATV-də yayımlanan “Nömrə 1” yarışmasında başlayıb. Natavanın Kazımovaya qalib gəlməsi ikili arasında ədavətin başlanğıcı olub. Daha sonra Aygün Natavana “erməni” deyib və qarşı tərəf onu məhkəməyə vermişdi. Müğənnilər arasındakı məhkəmə prosesi illərlə davam edib. Bir müddət əvvəl isə hər iki məşhur açıqlamasında barışıq addımı atmışdı. Amma onlar heç bir məclisdə üz-üzə gəlməmişdi. A.Kazımova "Yəqin bundan sonra qarşılaşsaq görüşüb qucaqlaşarıq" açıqlamasını vermişdi.