Aparıcı Afaq Gəncəli son günlər xeyli çəki atması ilə diqqət çəkib.
Axşam.az-ın fotokamerası qarşısına keçən aparıcı bildirib ki, ciddi pəhriz saxlayır:
“Heç nə yemirəm, idman da etmirəm. Məşq etməyə icazə yoxdur. Deyirlər tamamilə arıqla, sonra idmana başla”.
Bir müddət əvvəl saçlarını qara rəngə boyayan Gəncəli yenidən köhnə imicinə qayıtmasının səbəbini açıqlayıb:
“Əsl Afaq budur. Hər zaman sarı saçda olmuşam. Qara saçda özüm ola bilmirdim”.
Afaq yeni rol aldığı “Məşhur gəlin” filmindən də danışıb. O deyib ki, ekran işinin tamaşaçılar tərəfindən sevilib-sevilməməsi ilə maraqlanmır:
“Bilmirəm sevildi, yoxsa sevilmədi. Bu da məni heç maraqlandırmır. Cavid Gül (Filmin ideya müəllifi - red) dostumdur, təklif etdi və mən də istəyini yerinə yetirdim. Mən aktrisa deyiləm, aparıcıyam”.
A.Gəncəli daha sonra yeni bir verilişlə tamaşaçıların qarşısına çıxacağını söyləyib:
“Şou xarakterli böyük bir layihədir. Hazırda onun üzərində işləyirik".
Foto: Ramin ASLANOV