Azərbaycan prezidenti İlham Əliyev Nazirlər Kabinetinin yeni tərkibi haqqında Azərbaycan Respublikası Prezidentinin 2018-ci il 21 aprel tarixli sərəncamına əlavələr edilməsi barədə sərəncam imzalayıb.
Axşam.az-ın məlumatına görə, aşağıdakı şəxslər ilk dəfə olaraq Azərbaycan Respublikası Nazirlər Kabinetinin üzvləri təyin edilib:
Ekologiya və təbii sərvətlər naziri – Muxtar Bahadur oğlu Babayev;
Təhsil naziri – Ceyhun Əziz oğlu Bayramov;
Diasporla İş üzrə Dövlət Komitəsinin sədri – Fuad Rauf oğlu Muradov;
Dövlət Gömrük Komitəsinin sədri – Səfər Məmməd oğlu Mehdiyev;
Dövlət Turizm Agentliyinin sədri – Fuad Hümbət oğlu Nağıyev;
Azərbaycan Respublikasının Dövlət Miqrasiya Xidmətinin rəisi – Vüsal Əfqan oğlu Hüseynov.
21 apreldə verilən sərəncamda isə aşağıdakı şəxslər nazir vəzifəsinə təyin olunub:
Əmək və əhalinin sosial müdafiəsi naziri – Sahil Rafiq oğlu Babayev;
Kənd təsərrüfatı naziri – İnam İmdad oğlu Kərimov;
Dövlət Şəhərsalma və Arxitektura Komitəsinin sədri – Samir Rafiq oğlu Nuriyev;
Qaçqınların və Məcburi Köçkünlərin İşləri üzrə Dövlət Komitəsinin sədri – Rövşən Şükür oğlu Rzayev.