Türkiyənin pop ulduzu Demet Akalının Bakı konserti ləğv olunub.

Axşam.az xəbər verir ki, ifaçı bu barədə sosial media hesabında məlumat verib.

O bildirib ki, konsertinin ləğv olunmasından xəbərsiz olub.

“Sorğusuz-sualsız təşkilatçılar Bakı konsertini ləğv edib. Kimdən qorxdunuz ki?”, - deyə Akalın İnstaqramın hekayə bölümündə yazıb.

Qeyd edək ki, sənətçi son zamanlar həyat yoldaşı Okan Kurtdan boşanması ilə gündəmə gəlib. Sentyabrın 29-da Bakı Konqres Mərkəzində baş tutacaq olan konsertə də Demet Okanla gəlməli idi.