Yumor ustası Fərda Xudaverdiyevin “Top kimi şou”sunun yayım günü bəlli olub.

Axşam.az-ın məlumatına görə, çəkilişləri başlayan veriliş həftənin cümə günü saat 22:30-da ATV-də yayımlanacaq.

“Top kimi şou”nun ilk qonaqları arasında əməkdar artist Vəfa Zeynalova, Ədalət Şükürov, müğənni İlhamə Qasımova və başqaları yer alıb.

F.Xudaverdiyev bunun fərqli şou olacağını iddia edib:

“Burada tək sənət adamları yox, futbolçular, idmançılar, başqa tanınmışlar da yer alacaq. Maraqlı, fərqli söhbətlər edəcəyik. Tamaşaçı bizimlə darıxmayacaq”.