Dünyanın məşhur “The Voice” musiqi layihəsi rəsmi olaraq Azərbaycana gətirilib.

Axşam.az-ın məlumatına görə, AzTv-də yayımlanacaq layihənin seçim turları bir neçə gündür ki, bölgələrdə aparılır.

Yarışma ilə bağlı bir çox tanınmışın yer aldığı video çarx hazırlanıb. Belə ki, Rusiyanın “Səs” yarışmasında iştirak edən azərbaycanlı müğənni Fərid Əsgərov və Ukraynada yayımlanan "Səs" müsabiqəsinə qatılan Dilarə Kazımova istedadlı gəncləri seçimə qatılmağa dəvət edib.

Mahnı müsabiqəsinin yaradıcı heyəti ötən gün Mingəçevirdə, bu gün isə Yevlaxda seçim ediblər. Sabah isə seçimlər Şəkidə aparılacaq.

Qeyd edək ki, yarışmanın aparıcısı Leyla Əliyevadır.