Yeni mövsümün ən iddialı serialı "Kösəm Sultan"ın reklam afişası İstanbulda bir binaya vurulub.

Axşam.az-ın Türkiyə mediasına istinadən məlumatına görə, iki ildir sirr kimi saxlanılan aktyor heyətinin yer aldığı afişada Hülya Avşar, Tülin Özen, Kadir Doğulu, Mete Horozoğlu, Aslıhan Gürbüz və Mehmet Kurtuluş yer alıb. Layihəyə 7-ci seriyada qatılacaq Beren Saatın şəkildə olmaması müəmmalı görünüb.

Belə ki, son terror hadisələri haqqında heç bir paylaşım etmədiyi üçün sosial şəbəkə izləyiciləri tərəfindən tənqidə məruz qalan aktrlsanın "Kösəm Sultan"dan çıxarılması tələb edilmişdi. Afişada yer almaması prodüser şirkətinin bunu diqqətə alıb-almamısını gündəmə gətirib.