Aktrisa Serenay Sarıkayanın ardından sevgilisi Kərəm Bürsin də film üçün gitara dərsi almağa başlayıb.

Axşam.az-ın Türkiyə mediasına istinadən məlumatına görə, məşhur pop ulduzunu canlandırmağa hazırlaşan Bürsin əlavə musiqi dərsləri də alır.

Filmin hazırlıqlarına sürətli başlanğıc verən gənc aktyor oxuyacağı mahnılarda səsini düzgün istifadə edə bilmək üçün peşəkarlarla işləyir. Sevgi hekayəsindən bəhs ediləcək ekran işinin çəkilişləri yaxın günlərdə başlayacaq.

S.Sarıkaya və K.Bürsinin ilk dəfə bir yerdə çəkiləcəyi filmin rejissoru "Romantik Komedi" ilə tanınan Hakan Ketçedir.