Son həftələr dünya əhalisinin yeni məşğuliyyəti olan "Pokemon Go" oyununun ilk qurbanı da var.

Axşam.az-ın xarici KİV-ə istinadən məlumatına görə, Qvatemalanın Çiquimi şəhərində iki gənc oyun oynadıqları zaman hücuma məruz qalıblar. Ayağından yaralanan 18 yaşlı Lopez de Leon dünyasını dəyişib. Onun 17 yaşlı qohumu Danielin isə həyatını xilas etmək mümkün olub.

Şahidlərin dediyinə görə, naməlum avtomobil iki gənci silah atəşinə tutub. Polislər hücumun səbəbinin telefon oğurluğu olma ehtimalını deyiblər.

Qeyd edək ki, "Pokemon Go" oyunu zamanı oyunçular olduqları yeri bəlli edirlər. Polislər də şübhəlilərin gəncləri bu oyun vasitəsilə tapdığını bildirib.