Xalq artistləri Aygün Kazımova və Faiq Ağayev şou-biznesin bugünkü halından şikayətləniblər.

Axşam.az-ın məlumatına görə, A. Kazımova “Onlar” verilişinə açıqlamasında yaratdıqları şou-biznesdən məmnun olmadıqlarını bildirib:

“Bu gün "boş ver" prinsipi ilə yaşamaq istərdik. Yüzünü boş veririk, amma birində ilişib qalırıq. Bu gün yaratdığımız şou-biznesdən razı deyilik”.

F. Ağayev hər kəsi onların yaxşı tərəflərini təkrarlamağa çağırıb:

“Yararlı övladlar da görmüşük, yararsız da... Həyatdır, hər işdə birinci olsaq belə, mükəmməl ola bilmirik. İfaçılar bizim yaxşı tərəflərimizi təkrarlasınlar. Bu gün sağlam rəqabət apara biləcək on nəfər var, vəssalam”.