Rusiyanın Əməkdar artisti Svetlana Svetliçnaya psixiatrik klinikaya yerləşdirilib.

Axşam.az rus mediasına istinadən xəbər verir ki, bu barədə aktrisanın nəvəsi Mariya İvaşova məlumat yayıb.

Onun sözlərinə görə, aktrisaya beyin zədələnməsi diaqnozu qoyulub. Bildirilib ki, o, son bir ildə 7 dəfə xəstəxanalıq olub. Oğlu Aleksey İvaşov isə məlumatları təkzib edərək, anasının adi xəstəxanada müalicə aldığını bildirib.

Xatırladaq ki, bir müddət əvvəl S.Svetliçnaya itkin düşmüş və bir neçə gündən sonra tapılmışdı.

Qeyd edək ki, 81 yaşlı aktrisa "Brilyant əl", "Baharın on yeddi anı", "Görüş yerini dəyişdirmək olmaz" kimi bir çox filmlərdə rol alıb.