Yutubda yayımlanan "Baby Shark" uşaq mahnısı platforma tarixində ilk dəfə 10 milyarddan çox baxış toplayan video kimi yeni rekorda imza atıb.

Axşam.az xəbər verir ki, video Luis Fonsi və Deddi Yankinin ifa etdiyi, dünya miqyasında hitə çevrilən “Despacito”nu belə geridə qoymağı bacarıb.  

Mahnının mövzusu köpəkbalığı ailəsi haqqındadır. Mahnının müəllifi məlum deyil. Lakin bəstə 10 yaşlı koreyalı-amerikalı müğənni Xoup Seqoyn tərəfindən ifa edildikdən sonra populyarlıq qazanıb.

Video ilk dəfə yutubda 2016-cı ilin iyununda yayımlanıb.