"Kara Tahta" serialının çəkilişləri zaman ayağından zədə alan aktyor Furkan Andıç əməliyyat olunub.

Axşam.az Türkiyə mətbuatına istinadən xəbər verir ki, sağ ayağındakı menisküsü (Dizin alt və üst sümüyü arasında olan və adətən amartisator kimi işləyən incə bağ toxumaları) zədələnən aktyorun əməliyatı 3 saat davam edib. Ekran işinin prodüseri və rejissoru Andıçı ziyarətə gedib. 

Hazırda vəziyyəti yaxşı olan aktyor müalicəsini evində davam etdirir. 

Qeyd edək ki, "Kara Tahta"nın çəkilişlərinə 10 gün fasilə verilib.