Sentyabrın 28-də Los-Ancelesdə Zodiac Ball xeyriyyə gecəsi keçirilib.

Axşam.az xəbər verir ki, tədbirdə məqsəd xərçəngdən əziyyət çəkən uşaqlara kömək etmək üçün vəsait toplamaq olub. Mərasimin sponsoru Fransanın "Balmain" brendi olub.

Gecənin əsas ulduzuna çevrilən 50 yaşlı Keyt Bekinseyl kameraların qarşında ekstravaqant geyimi poz verib. O, papağı və döşəməyə qədər dəyən tülü ilə diqqət çəkib.

Tədbirdə həmçinin modellər Cici və Bella Hadidin atası Məhəmməd Hadid, onun sevgilisi Keniya Silva, aktrisa Tara Reyd, müğənni Britni Spirsin keçmiş həyat yoldaşı Sem Asqari də iştirak edib.