Şahzadə Uilyamın sevimli elektrik skuterini Vindzor Böyük Parkındakı iqamətgahının ərazisində sürməsi qadağan edilib.

Axşam.az xəbər verir ki, bu haqda "Daily Mail" qəzeti məlumat yazıb. Məlumata görə, qaydalarda bu cür nəqliyyat vasitələrinin təhlükəsizlik səbəbi ilə parkda olmasına icazə verilmir.

Çoxuşaqlı atanın saray həyətində gəzmək üçün elektrik skuteri aldığı barədə məlumatlar 2023-cü ildə ortaya çıxmışdı. Uilyam bu alış-verişi Kral Çarlza üç mil (təxminən 5 km) məsafədə səyahətinə vaxt qənaət etmək üçün etmişdi.

"Uilyam elektrik skuteri ilə saray həyətində gəzməyi çox sevirdi, çünki bu qadağan deyildi. O, Vindzor Böyük Parkında elektrik skuterləri ilə bağlı qaydalara riayət etməkdən məmnundur və buna hazırdır" deyə, insayder bildirib.