Müğənni-bəstəkar Emin Fransaya yollanıb.

Axşam.az-ın məlumatına görə, fotolarını sosial şəbəkədə paylaşan ifaçı səfərin məqsədinin “Amor” albomunun tanıtımı olduğunu vurğulayıb.

O, Fransadakı “Sony ATV Music”in prezidenti Nikolas Galibertlə görüşərək fevralda sözügedən ölkədə verəcəyi ilk konsertiylə bağlı danışdığını yazıb.

Qeyd edək ki, Emin dekabrın 4-də 35 yaşı münasibətiylə Bakıda da konsert verəcək. İfaçının “Baku Crystal Hall”da baş tutacaq konsertində rus estradasının tanınmış simaları  - Qriqoriy Leps, İrina Dubsova, Ani Lorak, Stas Mixaylov, Svetlana Loboda və Çarli Uilyams iştirak edəcək.