Mədəniyyət və Turizm Nazirliyinin, Azərbaycan Mədəniyyət Fondunun birgə təşkilatçılığı ilə Heydər Əliyev Sarayında növbəti caz konserti baş tutub.

Axşam.az-ın məlumatına görə, “Bakı Beynəlxalq Caz Festivalı – 2014” çərçivəsində dünya şöhrətli cazmen, peşəkar musiqiçi və bəstəkar Stenli Klarkın qrupunun konserti keçirilib. Dörd dəfə "Qremmi" mükafatı əldə edən, dünyanın ən məşhur akustik və elektron bas gitaraçısı, drijor, aranjimançı və prodüser Stenli Klark və qrupunun təqdim etdiyi caz kompozisiyaları alqışlarla qarşılanıb.