Mayın 10-u Azərbaycanın görkəmli dövlət xadimi Heydər Əliyevin anadan olmasının 91-ci ildönümü günüdür.

Axşam.az Trend-ə istinadən xəbər verir ki, prezident İlham Əliyev mərhum prezidentin doğum günündə onun məzarını ziyarət etmək üçün Fəxri xiyabana gəlib.

Burada fəxri qarovul dəstəsi düzülüb.

Prezident İlham Əliyev ümummilli liderimiz Heydər Əliyevin məzarı önünə əklil qoydu, onun ruhu qarşısında baş əyib.
Azərbaycan Respublikasının dövlət himni səslənib.

***

Mayın 10-da Heydər Əliyevin anadan olmasının 91 illik yubileyi münasibətilə Bakıda, onun adını daşıyan sarayın qarşısındakı parkda Gül bayramı təşkil edilib.

Axşam.az APA-ya istinadən xəbər verir ki, Azərbaycan prezidenti İlham Əliyev, xanımı Mehriban Əliyeva və ailə üzvləri Gül bayramında olublar.

Prezident və ailə üzvləri H. Əliyevin abidəsini ziyarət edib, güllərlə bəzədilmiş parkı gəziblər.