El arasında “Keyxanım” adı ilə tanınan əməkdar artist Ülviyyə Əliyevanın nişanlısından ayrılması xəbəri yayılıb.

Axşam.az-ın lent.az-a istinadən məlumatına görə, aktrisa şayiələrdən bezdiyinə görə, yenidən ailə qurmağa hazırlaşdığı bəylə görünməyə başlayıb.
 
Xatırladaq ki, Ülviyyə Əliyeva bu yaxınlarda aparıcılar və şou-biznes nümayəndələri arasında olan futbol oyununa nişanlısı ilə birgə gəlib.
 
Qeyd edək ki, Ülviyyə Əliyeva daha əvvəl evli olub. Bu onun ikinci evliliyi olacaq. Onun ailə qurmağa hazırlaşdığı şəxs xınayaxdı firmasının sahibidir.