Sonuncu dəfə "Pera Palasta" serialında rol alan aktyor Selahattin Paşalı İbrahim Səlimin "YouTube" kanalında yayımlanan verilişində qonaq olub.

Axşam.az Türkiyə mətbuatına istinadən xəbər verir ki, aktyor Budapeştdə yaşadığı zamanlar Hollivud macərasından danışıb:

"Agentlikdən "İnferno" adlı Hollivud filmi üçün çağırdılar. Səhər tezdən getdim, sendviçlə su verdilər. Uzun müddət gözlədim. Zaman keçdikcə acdım, əsəblərim daha da korlandı. Sonra da qolumdan tutub məni 3 saniyə içində çölə atdılar. Aktyorluq karyeram Hollivud çəkilişindən qovularaq başlayıb".